马上注册,结交更多好友,享用更多功能,让你轻松玩转人潮网。
您需要 登录 才可以下载或查看,没有账号?注册
×
好多择偶条件都成日话希望个女仔细心识做家务贤良淑德,但内在美嘅嘢又边咁易比你睇得出吖,但我依家话比你听,有!就系揾一个做家姐嘅女仔。
好处一「得啦,我自己搞得掂,你唔洗担心我,忙自己嘢得啦!」
家姐呢个角色,自细就要帮手照顾细佬妹,待人处事细细个就己经唔会太过依赖,化身成一个独立嘅女朋友,起码唔会事无大小都即刻追魂Call你帮手,尝试自己解决先,你烦少好多嘢,万一你有咩事上嚟,佢分分钟仲可以照顾返你转头,真正系一个背后帮得手嘅女人。
好处二「傻架咩,简简单单咪算咯,做乜洗咁多钱!」
做家姐嘅会更加愿意同你捱,原因好简单,多数好嘢都留返比细佬妹,慢慢习惯咗淡然朴素嘅生活态度,自己唔一定要最好,足够就可以了,所以佢唔需要你比晒所有好嘢佢,知悭识俭,间中少少一个浪漫就已经好满足。佢宁愿你银包袋多啲钱,都唔想你晒钱买嘢比佢,贵嘢更加No Way,但相反佢就好舍得洗钱响你身上,希望你开心多过佢开心。
好处三「我警告你听日开始唔准超过十二点瞓。」
佢哋有时可能会好恶,「吨」起个家姐款不特止,仲会好似阿妈咁管住你,你觉得好烦?其实系「执到宝」,佢哋咁长气都系惊你有咩头晕身庆,咁叫你饮多啲水、担心你捱夜对身体唔好,甚至惊你成日出街食唔健康就一于煮埋饭煲埋汤比你。
呢啲「烦」,全部都系对你好,唔系发大小姐脾气,唔系小小嘢就嗌辛苦,烦住要你送呢样送果样,而系同你一齐,就有责任要你健健康康,肥肥白白。
当然,其他女仔都可以喺拍拖嘅期间慢慢炼成以上嘅好女友特质,只系家姐由细到大已经一早培养紧,当你遇上佢果刻,佢已经系一个「现成好老婆」。
所以,佢哋会成日问住:「你到底几时娶我?」
|